Burdinolari atxikitako baselizak 1580ko maiatzaren 3an Legazpin gertatutako Mirandaolako miraria gogoratzen du: Igandean, eguerdiko meza entzun ondoren, Mirandaola burdinola martxan jarri zen. Olagizonak hurrengo egunsentira arte aritu ziren lanean eta hamalau ikatz-karga baino gehiago erre zituzten. 600 libra burdina baino gehiago ateratzeko zain nahikoa prestatu zuten, baina ez zuten Gurutze-formako burdina-zati bat besterik ateratzea lortu. Gurutzeak ez zuen hamabi edo hamalau libra baino gehiago pisatzen. Olagizonek pentsatu zuten "Jainkoaren" seinalea zela, igandean lan egin izanagatik. Mirarizko gertakari hori dela-eta Legazpiko jaiak maiatzaren 3an ospatzen dira, Gurutze Donea egunean. Legazpiarrek gehien estimatzen duten ekitaldietariko bat Mirandaolako Erromeria da (maiatzaren 4aren hurrengo igandea), Gurutze Santua parrokiatik Mirandaola Baselizara eramaten da eta festa ezpata-dantza bezalako dantzekin, musikarekin eta taloa txorizoarekin bezalako otordu herrikoiekin ospatzen da.